Ағымдағы жылдың 15 қарашасында «Узкоколейный» кітапхана-филиалының «Оқимыз, Ойнаймыз, Танимыз» жобасы аясында № 25 орта мектептің 8 сынып оқушылары үшін «Қазақ фольклорының інжу-маржаны» атты іс-шарасы өткізілді. Іс-шара «Қыз Жібек» поэмасының 125 жылдығына арналды.
Іс-шараға 8-сынып жетекшісі Вера Борисовна Кубенова қатысты. Іс-шара басында мұғалім «Қыз Жібек» атты қазақтың лирикалық-эпикалық поэмасына биыл 125 жыл толатынын атап өтті. Іс-шара барысында оқушылар алғаш рет 1894 жылы Қазанда қазақ этнографы мен ақыны Жүсіпбек Шайхисламұлы дайындаған өлеңнің қысқаша мазмұны мен тарихын білді. Оқушылар шығармадан үзінділер оқыды. Қорытындысында «Қазақ фольклорының інжу-маржаны» атты бейнеролик көрсетілді.
