Қазақстандық театр және кино актері Елубай Өмірзақовтың туғанына 125 жыл толуына орай «Дружба» кітапхана-филиалында «Ұлы жерлес туралы сөз» тақырыптық сөре рәсімделді. Бұл тақырыптық сөреде «Қазақстан мәдениеті», «Тарихи тұлғалар» энциклопедиясынан, «Қостанай облысы» жинағынан, «Алтын дала» фотокітабынан материалдар ұсынылған. Сондай-ақ оқырмандар назарына «Таңғажайып театры» кітабынан Ә. Сығайдың «Тұңғыш халық өнері» эссесі ұсынылды. Елубай Өмірзақовтың есімімен аталған Қостанай облыстық филармониясы туралы оқырмандарға «Қостанай филармониясына 60 жыл» кітабы айтып береді.
Барлық оқырмандарды тақырыптық сөре материалдарымен танысып, тұңғыш қазақ әртісінің шығармашылығы туралы көбірек білуге шақырамыз.
