Әлімақын, Дүйсенәлі. Көңілдегі көрікті сөз [Мәтін] : [қазақ әдебиетінің таланттары туралы және олардың кейінгі буынға деген көз қарастары] / Дүйсенәлі Әлімақын ; коллажды жасаған Амангелді Қияс «EQ» // EGEMEN QAZAQSTAN. – 2022. – 4 сәуір. – Б. 14.
Аннотация
Таланттарды заман тудырады деген тұжырымның өмірге келгеніне де бірнеше ғасыр болды, әрине, осы сөздің түп төркіні тым арыда жатқаны шындық. «Толқыннан толқын туып» қазіргі әдебиет сансыз таланттардың шығармашылығымен толықты. Олардың селдей шабыты заманның ағысына, уақыттың сынына дөп келді. Қай заман үшін таланттың қадірін талантты адамдар ғана мойындаған. Сол үшін де олар бір-біріне жуық жүрді, үндес, сырлас бола білді. Біз аңыз қылып айтып жүрген кешегі «Жоғалған ұрпақ» өкілдері, міне, осы сөзіміздің айғағы. Ал бүгін біз қазақ әдебиетіндегі таланттылардың бір-бірін бағалау, анығырақ айтқанда, аға буынның соңынан ерген буынға көз қырын салуы туралы сөйлемекпіз. Мұқағали Мақатаевпен қатар шығып, жыр көмбесіне қатар шап¬қан Жұмекен Нәжімеденовтің талантын мойындау, бағалау – қазақ поэ¬зиясының қасиетін білумен бірдей.