Өнегелі әже мен үлгілі немере

Наурыз мерекесіне орай А. С. Пушкин ат. қалалық балалар кітапханасының қызметкерлері «Асыл мұра» танымдық үйірмесінің қыздары мен олардың әжелері қатысқан «Өнегелі әже мен үлгілі немере» байқауын ұйымдастырды. Байқау аясында қатысушылар қонақтарды қазақ халқының салт-дәстүрлерімен таныстырып қана қоймай, өз көрермендеріне наурыз көже, қуырдақ, бауырсақ, жент сияқты тәттілерді мақтанышпен ұсынып, барлығына өз қолдарымен сүйіспеншілікпен және құрметпен дайындалған қазақ тағамдарының шынайы дәмін татуға мүмкіндік берді. Қатысушылар осы тағамдардың маңыздылығы туралы айтып, қонақтарды қазақтың қонақжайлылық дәстүріне баурады. Ең маңызды сәттердің бірі қыздар әжелерімен бірге өз өнерлерін паш ете алатын қазақтың халық әндері мен билерін үздік орындады.
Кітапхана қызметкерлері мұндай іс-шаралар отбасылық дәстүрлерді қалыптастыруға және мәдени мұраны дәріптеуге ықпал ететінін атап өтті. Сондай-ақ, байқаудың барлық қатысушылары «POSUDA_BALNUR.KST» байқау демеушісінің атынан бағалы сыйлықтармен марапатталды.