Н. Островский ат. ОҚК қызметкерлері Қазақстан Республикасы Ұлттық ұланының 6697 әскери бөлімінің әскери қызметшілері үшін Қазақстан Республикасы Конституциясының 30 жылдығына арналған «Бейбітшілік пен тұрақтылықтың кепілі» тарихи медиа-экскурсын өткізді.
Іс-шара ҚР Мемлекеттік Әнұранын орындаудан басталды. Кітапханашылар Қазақстанның мемлекеттік құрылымы, азаматтардың құқықтары мен міндеттері, «ҚР Конституциясының негізгі ережелері» туралы айтып берді. «Жұлдыз» домбыра студиясының қатысушылары, 6697 әскери бөлімінің әскери қызметшісі, ефрейтор Е. Нұрланбек патриоттық әндер шырқады.
Аудиторияға қазақстандық мемлекеттіліктің қалыптасуын көрсететін электронды презентация мен бейнероликтер көрсетілді. Жастар Қазақстан туралы өлең оқыды. «Конституция – азаматтардың құқықтары мен бостандықтарының кепілі» атты кітап көрмесіне шолу жасалды.
Медиа-экскурс «Атамекен» әнін орындаумен аяқталды.
Бейбітшілік пен тұрақтылықтың кепілі
