А. С. Пушкин атындағы қалалық балалар кітапханасы Қазақстан Республикасы Конституциясының 30 жылдық мерейтойына орай «Кішкентай азаматтардың үлкен құқықтары» атты құқықтық сағат өткізді.
Іс-шараға «Бақытты балақай» балабақшасының кішкентай бүлдіршіндері қатысты. Шара Мемлекеттік Әнұранның орындалуымен салтанатты түрде ашылды. Кітапханашы балаларға Конституцияның мәні мен маңызын түсінікті тілмен жеткізіп, оның әрбір азаматқа беретін құқықтары мен бостандықтары туралы әңгімеледі.
Балалар қойылған сұрақтарға белсенді жауап беріп, мемлекеттік рәміздер туралы білімдерімен бөлісті. Тудың түстерін атап, олардың мән-мағынасын түсіндірді. Ерекше қызығушылық тудырған сәт – Қазақстан Республикасының Туы мен Елтаңбасы бейнеленген пазлдарды жинау ойыны болды.
Іс-шара соңында кітапханашы «Ата Заң – Тәуелсіздіктің тірегі» атты кітап көрмесімен таныстырды.
Кішкентай азаматтардың үлкен құқықтары
