2024 ж. 24 қазанда Н. Островский ат. ОҚК «Біз бұл мамандықта кездейсоқ адамдар емеспіз» атты салтанатты іс-шара кітапханашылардың кәсіби мерекесі Кітапханашылар күніне арналды. Іс-шараға «Қостанай қаласы әкімдігінің мәдениет және тілдерді дамыту бөлімі» мемлекеттік мекемесінің бас маманы О. А. Малых, кітапхана ісі ардагерлері, кітапханашылар қатысты. Шақырылған қонақтар кітапханашыларды мерекелерімен құттықтап, кітапхана жүйесінің қызметкерлерін мадақтамаларымен, алғыс хаттармен марапаттады. Қалалық кітапхана оқырмандары да назардан тыс қалмады. Оқырмандар 9 номинация бойынша марапатталды: «Оқырман көшбасшысы», «Оқырман отбасы», «Кітапханаға адалдығы үшін» және т.б. Шығармашылық қойылымдармен мерекелік бағдарлама ұйымдастырылды.
