Астананың өрлеуі – Қазақстанның өрлеуі

«Дорожный» кітапхана-филиалында Астана күніне арналған «Астананың өрлеуі – Қазақстанның өрлеуі» атты іс-шара өтті.
Кітапханашы балаларға Астананың тарихы мен оның жетістіктері туралы айтып берді, қаланың даму кезеңдерімен таныстырды. Балалар бейнебаянның тұсаукесерін қызығушылықпен тамашалады, елордаға келгеннен алған әсерлерімен бөлісті, сүйікті жерлері туралы әңгімеледі.
Сондай-ақ олар елорда туралы өлеңдер оқып, ұсынылған иллюстрациялар бойынша сұрақтарға жауап бере отырып, интерактивті бөлімге қатысты.
Шара барысында танымдық және түрлі-түсті безендірілген басылымдар көрсетілді: «Астана», «Мәңгілік ел – Қазақстан», «Астана. Жыр құшағында. Ән қанатында» энциклопедиялары, «Менің Қазақстаным» иллюстрацияланған кітаптар, сондай-ақ астанаға арналған фотоматериалдар.