Ертегіні тап

«Дорожный» кітапхана-филиалының қызметкерлері №9 мектептің 1-4 сынып оқушыларымен «Ертегіні тап» атты ойын өткізді.
Кітапханашы балаларға ертегінің тәрбиелік мәні зор екенін түсіндіріп, ертегі түрлерін тізіп берді. Балалар экранда көрсетілген кейіпкерлер арқылы ертегі атауларын тауып, викториналық сұрақтарға жауап берді, өздері оқыған ертегілерін айтып берді.
Шара барысында балаларға келесі кітаптар ұсынылды: «Әлем халықтарының ертегілері», «Андерсен ертегілері», М. Етекбаевтың «Алатау ертегілері», «Жануарлар туралы ертегілер», «Қазақ ертегілері» және «Ертегілер әлемінде» журналы.