«Южный» кітапхана-филиалының базасында «Кітапхана және оқырман: қарым-қатынастарды дамыту перспективалары» атты көшпелі семинар өткізілді.
Семинарға философия профессоры, мәдениеттану және дінтану пәнінің оқытушысы Бондаренко Юрий Яковлевич, ҚР Ішкі Істер Министрлігі Қостанай Академиясының Қылмыстық-атқару құқығы кафедрасының доценті, полиция подполковнигі Түйғанов Мырзабек Сардарбекұлы, филология ғылымдарының кандидаты, У. Сұлтанғазин атындағы Педагогикалық институттың тілдер және әдебиет теориясы кафедрасының қауымдастырылған профессорының м.а. Сегізбаева Кенжегүл Қонысбайқызы, практикалық психолог, әлеуметтік талдаушы Зуев Игорь Александрович қатысты.
Қатысушылар «Кітапхана – оқырман: тілдер, мәдениеттер, интеллект, руханият диалогы» және «Кітапханадағы Визит-орталық» шеберлік сыныбына қатысты. Кітапханашылар жұмыс формалары арқылы: старт-алаң, сұхбат, WhatsApp-байланыс, көрме, оқырмандармен өзара әрекеттесу процесінің қалай жүретінін көрсетті. Сондай-ақ, QR-код бойынша жаңалықтар туралы хабарландыру ұсынылды.
