Мерейтойлық кітаптар

«Станционный» кітапхана-филиалында «Мерейтойлық кітаптар» атты кітап көрмесі ұйымдастырылды. Әдебиет әлеміндегі мерейтойлар тек танымал ақындар мен жазушылар ғана емес, кітаптар да бола алады. Көрмеде биылғы жылы мерейтойлық даталарын атап өтетін шығармалар ұсынылған. Кітаптың жасы алғаш шыққан жылдан бастап есептеледі. Көрме оқырмандарға ғасырлар бойы қызықты саяхатты, ұлы туындылардың беттерін және олардың кейіпкерлерінің тағдырларын ұсынады. Сіздердің назарларыңызға У. Шекспирдің «Ромео және Джульетта», А. С. Пушкиннің «Борис Годунов», Б. Майлиннің «Мырқымбай», Ғ. Мүсіреповтің «Солдат из Казахстана», М. Хакімжанованың «Мәншүк», Қ. Аманжоловтың «Боран», Б. Момышұлының «Біздің генерал» және т. б. сияқты кітаптарды ұсынамыз. Мұнда әр оқырман өз жанына әсер ететін шығарманы таба алады.
Құрметті оқырмандар! Сіздерді кітап көрмесінің материалдарымен танысуға шақырамыз.