Month: September 2024

02 қыркүйек күні «Западный» кітапхан-филиалында Отбасы күніне арналып «Отбасы – басты құндылық» атты даңқ сәті өткізілді. Іс-шараға Тұрғынғали, Науырзбай, Досовтар отбасылары қатысты.
Кітапханашы отбасының құндылықтары, дәстүрлері жайлы мағлұматтар айтты. Қатысушылар әр түрлі кезеңдерден тұратын ойындарға қатысты. Балалар «Дәстүрлер» кезеңінде суретте көрсетілген дәстүрлерді өз отбасында қалай өткізілгені жайында айтып, өз ойларын анық жеткізе білді. «Ашық микрофон» кезеңінде қойылған сұрақтарға жауап беріп, «Менің отбасым – менің байлығым» атты кезеңде «Бақытты отбасы» тақырыбында суреттер салып, отбасы туралы мақал-мәтелдер айтып, өлең жолдарын оқып, ән салып, би билеп өз өнерлерін көрсетті.
Іс-шара соңында «Отбасы – бақыт мекені» тақырыптық сөресіне шолу жасалды.

2024 жылдың 02 қыркүйегінде «Киевский» кітапхана-филиалының қызметкерлері №13 мектептің бастауыш сынып оқушылары үшін Отбасы күніне арналған «Үйге апарар жол» атты іс-шара өткізді.
Кітапхана қызметкерлері мерекелік Тұжырымдамасы, әйелдердің құқықтарын және отбасы қауіпсіздігін қамтамасыз ету бойынша Қазақстан Республикасының кейбір заңнамалық актілері туралы айтты.
Іс-шара барысында сұхбат өткізілді, онда балалар отбасы, әйел және бала мәселелерін талқылады.
Әңгімелесу барысында оқушылар өз отбасында қабылданған отбасылық дәстүрлер туралы әңгімеледі.
Соңында «Отбасы және құндылықтар» атты кітап көрмесі ұсынылды.

«Южный» кітапханасы-филиалында М. Хакимжанова атындағы № 20 орта мектептің 4 «Б» сынып оқушылары үшін «Білім күні – болашақтың алтын қақпасы» атты экскурсия өткізілді.
Кітапхана қызметкері балаларды кітапхана бөлімдерімен, кітап көрмелерімен таныстырып, кітаппен жұмыс істеу ережелері мен кітапханадағы тәртіп туралы ақпарат берді. Кітаптардың оқу процесінде адал дос әрі көмекші екендігін еске салды.
Шара барысында жас оқырмандар «Мектепке өзіңмен не аласың?» тақырыбындағы қызықты викторинаға қатысып, ақылдыларға арналған өлеңмен жазылған кеңестермен танысты.

2 қыркүйекте «Станционный» кітапхана-филиалының қызметкерлері жас оқырмандар үшін «Кітап арқылы білім әлеміне» атты кітапхана сабағын өткізді. Балалар қызықты және танымдық басылымдар, энциклопедиялар, сөздіктер, анықтамалықтар, каталогтар мен картотекалар туралы білді. Кітапханашы кітаппен жұмыс істеу ережелерін еске салды.
Іс-шара соңында «Кітап – білім бұлағы» викторинасы өткізілді.

«Южный» кітапхана-филиалында «Шабыт» үйірмесінің кезекті сабағы – орамал безендіру бойынша мастер-класс өтті. Іс-шара барысында кітапханашы «Мастерим из подручных материалов», «Шеберлердің сиқырлы қаласы» сериясындағы кітаптарға шолу жасады. Бас киімді түрлі-түсті және сәнді суреттермен қалай безендіру керектігін айтты. Практикалық жұмыс барысында бас киімдерді безендіре отырып, балалар жарқын геометриялық өрнектерді қолданды, қиял мен шеберлікті көрсетті.
Іс-шара соңында дайын жұмыстар көрмесі рәсімделді.

«Южный» кітапхана-филиалында «Романтик» аула клубының мүшелері үшін «Егемен елдің Конституциясы» атты құқықтық дайджест өткізілді.
Кітапханашы атап өткендей, Конституция елдің басты заңы ретінде нәсілдік, этникалық, діни және әлеуметтік қатыстылығына қарамастан барлық азаматтардың құқықтарының теңдігіне кепілдік береді және мемлекет азаматтар үшін жұмыс істейді деген өте құнды идеяны жүзеге асырады. Адам, оның өмірі мен денсаулығы, ар-намысы мен қадір-қасиеті, қол сұғылмаушылығы мен қауіпсіздігі қоғамның ең жоғары құндылығы ретінде танылады.
Іс-шара барысында балалар Конституцияның негізгі баптарын білуге негізделген «Адам құқықтары», «Иә! Жоқ!» ертегіге байланысты викторинасына қатысты.
Іс-шара соңында «Елдің Негізгі Заңы» кітап көрмесіне шолу жасалды.

Н. Островский атындағы Орталық қалалық кітапхана қызметкерлері 2024 жылдың 28 тамызында Қазақстан Республикасы Ұлттық ұланының №6697 бөлімінің әскери қызметшілеріне Қазақстан Республикасының Конституциясы күніне арналған «Азат елдің ар намысы» атты патриоттық сағатын өткізді.
Іс-шара Қазақстан Республикасының Мемлекеттік Әнұранын орындаумен басталды. Кітапхана қызметкерлері Қазақстан Республикасы Конституциясының негізгі бағыттары мен бөлімдеріне тоқталды. Қатысушылар назарына электронды презентация мен бейнероликтер көрсетіліп, «Заңдардың заңы» кітап көрмесіне шолу жасалды.
«Жұлдыз» домбыра студиясы қатысушыларының өнер көрсетуі және қазақстандық авторлардың патриоттық өлеңдерін оқуы көрермендерді шабыттандырды. Іс-шара «Атамекен» әнін орындаумен аяқталды.

28 тамызда «Дружба» кітапхана-филиалында «Қазақстан Конституциясы уақыт призмасы арқылы» атты ауызша журнал өткізілді. Кітапханашы Конституция дегеніміз не, оның құрылымы қандай, қашан жасалған, оған әр уақытта қандай өзгерістер енгізілген, онда азаматтардың қандай құқықтары мен міндеттері жазылғанын түсіндірді.
Оқырмандар назарына «Еліміздің Негізгі Заңы» тақырыптық сөреден материалдар ұсынылды. Шара «Мен өз елімнің азаматымын» викторинасымен аяқталды.

«Дружба» кітапхана-филиалында Конституция күніне орай «Мемлекеттің негізгі заңы» атты тақырыптық сөре ұйымдастырылды. Бұл тақырыптық сөреде Қазақстан Республикасының Конституциясы, О. Жанайдаровтың «Менің елім Қазақстан» және «Моя страна Казахстан» энциклопедиялары, Г. С. Сапарғалиевтің «Қазақстанның конституциялық құқығы» кітабы, «Қазақстан Республикасы: 20 жыл тыныштық пен гүлдену» монографиясы ұсынылған. Сонымен қатар, мерзімді басылымдардан «Конституциялық бақылаудың қалыптасуы» А. Темербековтің, «Конституция бойынша өмір сүру» профессоры К. Айтхожиннің мақалалары бар.
Барлық оқырмандарымызды тақырыптық сөремен танысуға шақырамыз.

28 тамызда «Киевский» кітапхана-филиалының қызметкерлері «Конституция бойынша өмір сүру» сұхбат-шолуын өткізді.
Шара Қазақстан Республикасының Әнұранын орындаумен басталды. Кітапханашылар еліміздің Негізгі Заңының жасалуындағы тарихи алғышарттар туралы айтты. Конституцияның әр тарауының құрылымы мен мазмұнын түсіндірді.
Іс-шараның соңында «Конституция – Қазақстанның бірлігі мен тұрақтылығының кепілі» атты кітап көрмесіндегі кітаптар, альбомдар мен мерзімді басылымдар ұсынылды.