«Қонай» кітапхана-филиалында «Өз тіліңмен сөйлеу – елге деген құрмет» атты полиглот шоуы өтті. Кітапханашы тіл үйренудің маңыздылығына тоқталды. Қатысушылар бірқатар тапсырмаларды орындады. Олар мақал-мәтелдер, тілдерді бұрмалау бойынша білімдерін сарапқа салып, викториналық сұрақтарға жауап беріп, ұсынылған сөздерді қазақ, орыс, ағылшын тілдеріне аударды.
24 жылғы 10 қыркүйекте «Северный» кітапхана-филиалында қарт оқырмандар үшін ҚР Президенті Қ.-Ж. Тоқаевтың «Әділетті Қазақстан: құқық тәртібі, экономикалық өрлеу, қоғамдық оптимизм» атты кезекті Жолдауын талқылау өткізілді.
Іс-шара барысында Қ.-Ж. Тоқаев қазақстандықтардың әлеуметтік-экономикалық әл-ауқатына ерекше назар аударғаны, әркім біздің елімізде жайлы өмір сүруге тиіс екендігі аталып өтілді. Оқырмандар 2025 жылды Жұмысшы мамандықтары жылы деп жарияланғанына ерекше назар аударды. Сондай-ақ, Жолдаудың негізгі бағыттарын талқылау барысында бірыңғай медициналық ақпараттық бақылау жүйесін құру, салықтық әкімшілендіру, АӨК дамыту және қолдау, теміржол секторын реформалау, атом электр станциясын салу жөніндегі референдум, әкімдерді сайлау, азаматтардың құқықтары мен қауіпсіздігін қамтамасыз ету мәселелері, әлеуметтік жаңғырту және экологиялық ағарту мәселелері егжей-тегжейлі баяндалды.
Сонында қатысушылар Қ.-Ж. Тоқаевқа дана және сауатты Президент ретінде қолдау білдірді.
2024 жылғы 10 қыркүйегінде «Киевский» кітапхана-филиалында «Еңбек батырлары» атты кітап көрмесі ұйымдастырылды.
Кітап көрмесі ұланғайыр өмірлік тәжірибесі мен көп жылғы еңбек өтілі өскелең ұрпаққа үлгі-өнеге болған облысымыздың белгілі тұлғаларының, еңбеккерлеріне арналған.
«Қостанайлықтар – Еңбек Ерлері» кітабында тек Қостанай облысы үшін ғана емес, бүкіл Қазақстан үшін еңбекқорлықтың, жауапкершіліктің, өзіне және өмірге деген адал көзқарастың нағыз үлгісіне айналған тұлғалар туралы айтылады. «Истории строки» кітабында авторлар қостанайлықтардың Ұлы Отан соғысы жылдарындағы жауынгерлік және еңбек ерліктерін, тың игеру жылдарын жылы сөз етуге тырысты. Бұл кітапта мұрағаттық және деректі дереккөздер, фото-иллюстрациялар пайдаланылады.
Кітап көрмесі оқырмандардың кең ауқымына арналған.
2024 жылғы 9 қыркүйекте Н. Островский ат. ОҚК қызметкерлері кітаптың адам өміріндегі маңызы, кітапхана мен кітаптың алатын орны жайлы түсіндіре отырып, кітапханашылар Қостанай гуманитарлық және Қостанай жоғарғы медициналық колледжінің 1 курс студенттеріне «Үлкен әлемге жол ашатын – кітап» атты библиодесант ұйымдастырды.
Жастарды кітап оқуға баулу үшін, кітапхана жанында жұмыс жасап тұрған өнерлі жастарға арналған «Тұмар» үйірмесімен жас қаламгерлерге арналған «Жас жалын» шығармашылық студиясы жайлы ақпараттарды студенттер қызығушылықпен тыңдады. Іс-шара соңында тілге шешен, өз беттерімен шығарма жазуға, өлең шығаруға икемдері бар, сондай-ақ өнерлі жастар «Жас жалын» шығармашылық студиясы мен «Тұмар» өнерлі жастар клубының қатарын көбейтуге ынталарын білдірді. Студенттерге кітапхана туралы мәліметтер қамтылған ақпараттық буклеттер таратылды. Студенттер болашақта кітапханаға жазылуға ынталарын білдірді.
9 қыркүйекте «Дорожный» кітапхана-филиалының қызметкерлері №18 мектеп-лицейінің 4-сынып оқушылары үшін «Менің отбасым» атты балалар шығармашылығының көрмесін ұйымдастырды.
Іс-шараға Қостанай қалалық бейімдеу және отбасын қолдау орталығының психологы Светлана Викторовна Ширина шақырылды, ол балалармен отбасылық құндылықтарды насихаттау туралы әңгіме жүргізді.
Кітапханашы әр адамның өміріндегі отбасының, берік шаңырақтың және адамдарды сүюдің маңыздылығы туралы айтты. Балалар өз жанұяларының суретін салып, отбасы туралы жұмбақтарды оқып, ойлап тапты.
Іс-шара «Отбасы – қуаныш пен шаттық көзі» атты тақырыптық сөреге шолу жасап, «Отбасы – бүкіл әлем» бейнеролигін көрумен аяқталды.
Жыл сайын қыркүйектің екінші жексенбісінде Қазақстанда Отбасы күні атап өтіледі. Осы датаға орай «Қонай» кітапхана-филиалында «Отбасы – бақытты мекен» атты фотобайқауы өтті. Фотокөрме ұйымдастырылды. Кітапханашы отбасының маңыздылығын, отбасында адам халқының тамаша салт-дәстүрінде тәрбиеленетінін айтты. Балалар өз отбасылары, сыйластық қарым-қатынастары, басқалар алдындағы жауапкершілігі, салт-дәстүрлері туралы әңгімеледі.
Сонында, балалар бір-біріне тілектерін айтып, отбасылық суреттерге шолу жасалды.
2024 жылғы 6 қыркүйегінде Н. Островский ат. ОҚК Қостанай жоғары медициналық колледжінің студенттері, «Шабыт» клубының мүшелері үшін «Отбасының бақыты – елдің бақыты» атты тақырыптық кездесу өткізілді.
Іс-шараға Қостанай қаласы әкімдігінің кәмелетке толмағандардың істері және құқықтарын қорғау жөніндегі комиссия хатшысының міндет атқарушысы В. С. Бондаренко шақырылды.
Шара барысында кітапханашылар отбасының қоғамдағы маңызы мен көп балалы отбасылардағы салт-дәстүрлер туралы айтты. Қатысушылар жиналғандарды мерекелерімен құттықтап, өз отбасыларының жетістіктерімен бөлісті.
Сонында «Отбасы құндылықтары – ұлттық тәрбиенің кепілі» атты кітап көрмесінің әдебиеттері ұсынылды.
«Южный» кітапхана-филиалында «Табиғат достары» үйірмесінің қатысушылары үшін «Динозаврлардан адамға дейін» атты таңғажайып және жұмбақ жануарлар туралы іс-шара өтті. Балалар біздің планетамыздың тіршілік жоқ кезде қалай көрінгендігін, палеонтолог-ғалымдар туралы, олар жануарлардың қалай көрінгенін, қалай қозғалатынын және қандай тағаммен қоректенетінін анықтайтынын қызығушылықпен тыңдады.
Үйірме қатысушылары пазлдардан динозаврлардың суреттерін жинап, бейнеленген жануарлардың түрін атады. Жас зерттеушілер динозаврлар туралы Терье Оливо «Динозавры», Клод Богаэр «Жалықтырмайтын энциклопедия. Динозаврлар», Абай Әлидің «Удивительные динозавры планеты» кітаптарымен танысты.
«Дружба» кітапхана-филиалында «Книгочей» балалар клубының мүшелері үшін «Сиқырлы гүл» шығармашылық сағаты өтті. Кітапханашы балаларға ертегілердегі сиқырлы өсімдіктер туралы айтып берді, түрлі-түсті кітаптарды көрсетті, содан кейін балалар пластилиннен ғажайып гүлдерді қуана мүсіндеп, түрлі-түсті құмыраларға отырғызды.
2024 жылғы 06 қыркүйегінде «Западный» кітапхана-филиалында «Шебердің қолы ортақ» үйірмесінің қатысушылары үшін «Күзгі ағашты безендіру» атты шеберлік сыныбы өткізілді. Кітапханашы балаларды күз туралы әңгімелер мен ертегілермен таныстырды. Балалар ағаш жапырақтарын түрлі-түсті қағаздардың қызыл, қызғылт сары және сары түрлерімен безендірді. Жұмыс нәтижиесі өте қызықты болды, балалар жасаған бұйымдарын қуана үйлеріне алып кетті.
