Н. Островский атыңдағы ОҚК жазушы, драматург, сыншы, Қазақстанның еңбек сіңірген қайраткері, ҚР Мемлекеттік сыйлығының лауреаты, «Парасат» орденінің иегері Сәбит Досановтың 85 жылдық мерей тойына арналған «Көркем сөздің шебері» атты кітап көрмесі ұйымдастырылды.
Сәбит Досанов қазақ әдебиеті мен сөз өнерінің барлық жанрларының дамуына зор үлес қосты. Жазушының қаламынан туған әдеби мұра көп жанрлы, көлемді, үлкен идеялық-эстетикалық мәнге ие. Көрмеге жазушының шығармаларының, пьесаларының, монографияларының, повестері мен романдарының көп томдық жинақтары, көптеген әңгімелер, очерктер, әдеби-зерттеу жұмыстары кіреді: «Жиырмасыншы ғасыр», «Аптаның сегізінші күні», «Тәуелсіздік толғауы», «Дауылды дала», «Ақбас бүркіт», «Соны іздер», «Қыран мен жылан», «Жусан иісті кимберлит» кітаптары және т.б. Сондай-ақ мерзімді басылымдардан алынған мақалалар – Қасым-Жомарт Тоқаевтің «Соңына өшпес, әдеби бай мұра қалдырды», Жұмабай Нәзеркенің «Болмысы бөлек қаламгер» газеттері қойылған.
Кітапхана оқырмандарын қазақ әдебиетінің жарқын өкілдерінің бірі болған тұлғаның өмірі мен шығармашылығы жайындағы мәліметтермен таныс болуға шақырамыз.
