Month: May 2025

А. С. Пушкин атындағы ҚБК қызметкерлері Мәриям Хакімжанова атындағы №20 ОМ «Олардың балалық шағына соғыс енді» атты әдеби-музыкалық композиция өткізді.
Іс-шара Ұлы Отан соғысы жылдарында зардап шеккен бейбіт халықтың, әсіресе балалардың ауыр тағдырына арналды. Мектеп оқушылары мен ұстаздарының назарына сол зұлмат кезеңдегі балалардың қайғысы, үміті мен төзімі туралы әсерлі фильмдер мен әуендер ұсынылды.
Оқушылар назарына ұсынылған бейнероликтер қатарында соғыс жылдарының рухын жеткізетін Елжан Берістенбаевтың «Жеңіс күні» және Сырбай Мәуленовтың «Соғыстан қайтқан солдаттар» әндеріне арналған бейнефильмдер ерекше әсер сыйлады. Бұл фильмдерден соғыстың зардабы мен батырлар ерлігін терең сезінуге мүмкіндік берді.
Іс-шара барысында оқушылар «Қаһармандардың ерлік шежіресі» атты кітапхана қорынан жасақталған кітап көрмеден тың мәліметтер алып, тарихи деректермен қанықты. Сонымен қатар көрермен назарына кітапхана қорынан жасақталып, балалық шағы соғыс жылдарымен тұспа-тұс келген қазақ жазушыларының өмірбаяндық романдары таныстырылып, шолу жасалды. Көрме аясында кітапхана қызметкерлері Мұқағали Мақатаев, Сәбит Мұқанов, Жұбан Молдағалиев, Қасым Аманжолов сынды қаламгерлердің шығармашылық жолына тоқталып, олардың туындыларын оқытып, сол дәуірдің тынысын оқушыларға тереңірек сезіндіруге тырысты.
Бұл кеш оқушылардың бейбіт өмірдің қадірін түсінуге, өткенге тағзым етуге және Отанға деген сүйіспеншілігін арттыруға ықпал етті.

«Южный» кітапхана-филиалында «Друзья природы» үйірмесінің қатысушылары үшін фашистік Германияны жеңгенінің 80 жылдығын мерекелеу қарсаңында «Қазақстандықтар Кеңес Одағының Батырлары. «Барлығы майдан үшін! Барлығы – Жеңіс үшін» Қазақ даласының батырлары» деректі фильмінің көрсетілімі өтті. Фильмнің көрсетілімі балаларға арналған тарих сабағы сияқты өтті. Фашистік басқыншылармен күрес кезінде қазақстандықтардың ерлігі бүгін де бей-жай қалдырылмайды. Балалар біздің Қазақстан да жеңіске елеулі үлес қосқанын білді. Оқушылардың өз Отанының тарихын білуі өте маңызды.

1941-1945 жж. Ұлы Отан соғысындағы Жеңістің 80 жылдығын мерекелеу аясында «Северный» кітапхана-филиалының ұжымы №28 МГ «Жас шекарашы» ӘПК курсанттарының қатысуымен «Естелік вахтасы» атты салтанатты іс-шара өткізді.
Шара Мәңгілік алау жанындағы Жеңіс саябағында өтті. Жас жігіттер зор мақтанышпен, құрметпен Белгісіз солдат бейітіне гүл шоқтарын қойды.
«Естелік вахтасы» акциясы соғыс жылдарындағы оқиғалар туралы тарихи шындықты сақтауға және өскелең ұрпақты отансүйгіштікке тәрбиелеуге бағытталған. Шара Ұлы Отан соғысының батырларына деген құрмет пен алғыстың өзіндік символына айналды.

«Южный» кітапхана-филиалында Отан қорғаушылар күніне орай құрылыс колледжінің I курс студенттері үшін «Отанға қызмет ету – құрмет» атты әскери даңқ сағаты өткізілді.
Іс-шараның қонақтары Қостанай қаласы Қорғаныс істері басқармасының адам және көлік ресурстарын автоматтандырылған есепке алу және мемлекеттік қызметтер көрсету тобының бастығы, лейтенант Байбусунова Гүлжан Олжатайқызы, АӘД және ӘТШ әскери жұмыс жөніндегі инспекторы Әлімғазина Гүлнара Болатқызы болды.
Лейтенант Байбусунова Гүлжан Олжатайқызы әскери қызмет туралы айтып берді. Оқушыларда көптеген сұрақтар туындады, оларға жауаптар берілді. Мысалы, «Сарбаз қандай қасиеттерге ие болуы керек?», «Әскерде қызмет еткісі келмеудің негізгі себептері?», «Әскердегі қызмет не бере алады?».
Инспектор Гүлнара Болатқызы Әлімғазина қандай әскери бөлімдерге түсуге болатынын атап өтті. Кітапханашы халық пен мемлекет алдындағы жауапкершілік, еліміздің игілігі үшін қызмет ететін әскерилердің патриотизмі туралы айтып берді.
Студенттер «Эрудит – викторина» ойынына белсенді қатысты.
Соңында «Парыз бен құрметке адал» кітап көрмесі ұсынылды.

2025 жылдың 5 мамырында «Дорожный» кітапхана-филиалының қызметкерлері МАИ шағын ауданының ардагерлері мен тұрғындарына арналған «Соғыстың әйел беті жоқ» тарихи еске алу кешін өткізді.
Іс-шараның қонақтары тыл еңбеккерлері Байжанов Жұмабай Кәрімұлы, Василий Иванович Холодило, Мария Демьяновна Лось болды.
Кешті «Дорожный» шағын ауданының ардагерлер ұйымының төрағасы М. Ф. Каевич ашты. Барлық тыл ардагерлері естеліктерімен бөлісті.
Кітапханашы Т. Л. Рудковская қазақстандық әйелдердің, Кеңес Одағының Батырларының ерлігі туралы айтып, биылғы жылы туғанына 100 жыл толатын Әлия Молдағұлованың ерлігін ерекше атап өтті, сондай-ақ өзінің тәтесі – қостанайлық дәрігер-хирург, ҰОС қатысушысы Полуместная Анастасия Ефимовна туралы айтып берді, оның есімі «Олар Жеңіспен оралды» еске алу кітабына енген.
«Совершенство» клубының мүшелері тарихи еске алу кешін өткізуге белсене қатысты. Сонымен, Г. П. Бакуменко Ұлы Отан соғысы кезінде қайтыс болған қарапайым сарбаз Александр Зацепаның атылған пальтосынан табылған «Письмо к Богу» өлеңін оқыды. Соғыстағы әйелдер туралы өлеңді біздің кітапханамыздың белсенді оқырманы, бұрын теңізші, ақсақал Ж. С. Абдрахманов оқыды, соғыс жылдарындағы әндерді орындады.
К. Т. Евжанова барлығын Алексей Сурковтың «Девушка-офицер» өлеңімен таныстырды. Клуб қатысушысы баянда соғыс жылдарындағы әндерді, сондай-ақ қайтыс болған және тірі қалған жауынгерлерді еске алатын частушкаларды орындады. Қонақтарға «Кітап бізге соғыс туралы естелік қалдырады» атты кітап көрмесі ұсынылды.
Кеш жақсы өтті және ешкімді бей-жай қалдырмады.

2025 жылғы 2 мамырында «Южный» кітапхана-филиалының қызметкерлері «Дуслык» этноорталығымен бірлесіп, 6697 ә/б Ұлттық ұланының әскери қызметшілеріне «Достық – елдің тірегі» атты әдеби-этнографиялық саяхатын дайындады.
Әдеби-этнографиялық саяхат бірнеше станциядан тұрды, онда қатысушылар елді мекендейтін халықтармен, олардың тарихымен, әдет-ғұрыптарымен, ұлттық тағамдар мен киімдердің ерекшеліктерімен танысты.
«Шығу тегі» станциясында жас сарбаздар башқұрттар мен татарлардың шығу тегі туралы өлеңдер мен аңыздарды оқыды.
«Дәстүр» станциясында ұлттық киімдер, тұрмыс элементтері, ұлттық ойындар туралы айтылды.
«Орталық – біздің мақтанышымыз» станциясында «Дуслык» этноцентрінің белсендісі Бектемиров Ринад Вальтаевич татар-башқұрт орталығының қалыптасуы туралы айтты.
Іс-шара барысында «Дәстүрлер, салт-дәстүрлер», «Шай рәсімі», «Этноәлем» бейнероликтері көрсетілді.
Іс-шара бейбітшілік пен жақсылық тілеумен аяқталды.

Қазақстан Республикасы Қарулы күштері күніне орай «Строительный» кітапхана-филиалында «Қазақстан армиясы – бұл елдің берік қалқаны» кітап сөресі рәсімделді, онда әскери ғылым бойынша материалдар, Қарулы күштердің жалпы әскери жарғылары, әскери және тарихи-патриоттық тақырыптарға қызығушылық танытқандар үшін анықтамалықтар ұсынылған. Қ. Аманжолов пен А. Тасболатовтың «Қазақстанның әскери тарихы» оқу құралы жас ұрпақты ежелгі ғасырлардан бүгінгі күнге дейінгі әскери ғылым тарихымен таныстырады. Жазушы және әскери көсем Бауыржан Момышұлының шығармалары жинағының 32-томына «Из блокнота Бауыржана Момыш-улы. Бауыржан Момыш-улы в истории казахского народа» монографиясы кірді. Кітапта Кеңес Одағының Батыры Бауыржан Момышұлының Отанды қорғау ісіне қосқан үлесі мен жауынгерлік жолын ашатын мұрағаттық материалдар бар.
Құрметті оқырмандар, сіздерді кітапханаға келіп, кітап сөресінің материалдарымен танысуға шақырамыз.

«Қонай» кітапхана-филиалында белгілі публицист, жазушы, қазақ кеңес әдебиетінің классигі және қоғам қайраткері Әнуар Әлімжановтың туғанына 95 жыл толуына орай «Келбет» тақырыптық сөресі рәсімделді, онда оқырмандардың назарына жазушының өмірі мен шығармашылығы туралы кітаптар мен материалдар, оның шығармалары, естеліктері мен мерзімді баспасөз беттеріндегі мақалалар ұсынылған. Сонымен, «Қазақ әдебиеті кітапханасы» сериясындағы «Махамбет жебесі» кітабында автор қазақ халқының ерлік дәуіріндегі өмірін шебер көрсетіп, Махамбет поэзиясының стихиялық халық қозғалысына әсерін бейнелеген. Сонымен қатар, «Жүз тұңғыш» жинағында, «Тарихи тұлғалар» кітабында Әнуар Әлімжанов туралы қызықты деректер мен мәліметтер бар.

Қазақстан халқының бірлігі күнін мерекелеу аясында № 22 ОМ 11 сынып оқушылары үшін «Северный» кітапхана-филиалында «Бір шаңырақ астында» диалог алаңы өтті.
Іс-шара барысында балалар мерекенің пайда болу тарихын, Қазақстан Халқының Ассемблеясы, оның еліміздің өміріндегі рөлі туралы білді.
Іс-шара соңында оқушылар ҚХА-ның 30 жылдығына арналған «Қазақстан: бейбітшілік және келісім елі» атты кітап көрмесімен танысты.

«Западный» кітапхана-филиалында «Золотой возраст» клубының қатысушылары үшін «Қазақстан – біртұтас жер, біртұтас халық және ортақ келешек» брейн-рингі өткізілді.
Іс-шара Қазақстан халқының бірлігі күнін мерекелеу аясында өтті. Екі команда қатысты. Кітапханашының мереке тарихы және оның Қазақстанның әрбір азаматы үшін маңызы жөніндегі тапсырмаларын орындай отырып, қатысушылар мақал-мәтелдер құрастырып, жұмбақтар шешіп, викторина сұрақтарына жауап беріп, мамыр мерекелеріне тілектер жазды.
Ойын барысында клуб қатысушылары өз білімдерін нығайтты, есте сақтау қабілетін жаңартты, бұл іс-шара тек ойын-сауық қана емес, сонымен қатар ақыл-ой үшін тамаша жаттығу екенін атап өтті. Клуб қатысушыларын тапсырмалар арасында № 6 жалпы білім беретін мектептің оқушылары құттықтады.
Іс-шараға «Достық татулық тірегі» тақырыптық сөресі дайындалды.