Author: admin

1992 жылғы Дүниежүзілік Рухани Келісім Конгресінің бірінші сессиясында 18 қазан Рухани келісім күні деп жарияланды. Осы күн аясында «Қонай» кітапхана-филиалында «Мақсаттардың бірлігі – тағдырлардың бірлігі» атты тақырыптық сағат өткізілді.
Кітапханашы 18 қазан Қазақстан үшін маңызды күн екенін атап өтті. Мейірімділік пен түсіністік күні. Қазақстан көпұлтты ел және конфессияаралық келісімнің үлгісіне айналды, барлығы бейбітшілік пен келісімде өмір сүреді. Сондай-ақ, этностардың діни толеранттылығы мен бірлігі – біздің Республикамыздың шоғырлануының негізі екенін атап өтті. Әр адам үшін жердегі бейбітшілік пен халықтардың бірлігі маңызды. Бұл бірлік халықтар арасындағы бейбітшілік пен тыныштықты сақтайды.

Рухани келісім күніне орай «Дружба» кітапхана-филиалының кітапханашысы «Дружба» жалпы білім беретін мектебінің 6-сынып оқушыларына «Бір шаңырақ астында» атты ақпараттық сағат өткізді.
Балалар бұл мерекенің шығу тарихы, толеранттылық деген не, Қазақстанда қандай этностар мен конфессиялар өмір сүретіні және олардың барлығы елімізде өздерін сенімді әрі жайлы сезінуі үшін мемлекет қандай саясат жүргізіп жатқаны туралы білді.
Шара соңында қатысушылар «Ұлттар» сөзжұмбақ шешіп, «достық», «бейбітшілік», «Отан» сөздерін түрлі тілдерге аударып, «Сөзден шыққан сөз» ойынына қатысты.

Н. Островский атындағы ОҚК қызметкерлері «Бір ел – бір кітап» республикалық акциясы аясында Қостанай гуманитарлық колледжінің студенттеріне арналған «Қарымталы қалам иелері» әдеби кешін өткізді. Жүргізушілердің сөзінен оқырмандар 2025 жылы оқу үшін жанр бойынша екі автор ұсынылғанын білді – проза: көрнекті жазушы, ақын, сыншы және аудармашы Т. Әлімқұловтың шығармалары, поэзия: атақты ақын, Мемлекеттік сыйлықтың лауреаты Ж. Нәжімеденовтың шығармалары, оның 90 жылдық мерейтойы биыл атап өтіледі.
Кітапханашылар акция тарихын айтып, тыңдаушыларды жазушылардың өмірбаяны мен шығармашылығымен таныстырып, авторлық өлеңдерін оқыды. 2006 жылы қабылданған ҚР Әнұранын тыңдап, Ж. Нәжімеденовтің сөзіне жазылған электронды презентация, жазушылардың терең талантын ашатын бейнероликтер көрсетілді.
Іс-шара «Рух биігіндегі қос дара тұлға» кітап көрмесіне шолу жасаумен аяқталды.

«Южный» кітапхана-филиалының қызметкерлері «Қостанай қаласының білім бөлімінің М.Қозыбаев атындағы №23 жалпы білім беретін мектеп» КММ 10 «Б» сынып оқушылары үшін заманауи тұлғаны оқу мәдениетін дамыту мақсатында «PRO-қозғалыс «#ОқыЖәнеЖең» ақпараттық сұхбатын өткізді.
Кітапханашылар IV облыстық онлайн-байқаудың негізгі ережелерін, оның мақсаттарын, міндеттерін, жеңімпаздарды марапаттау тәртібін түсіндірді. 15-18 жас аралығындағы байқауды өткізу регламенті туралы толығырақ айтылды. Барлық қатысушыларға байқау туралы толық ақпараты бар ақпараттық парақшалар табыс етілді.
Әңгіме соңында балалар kitap10.kz сайтына тіркелді.

Республика күні қарсаңында «Дружба» кітапхана-филиалында «Мен Отанды жақсы көремін» атты кітап көрмесі ұйымдастырылды. Онда еліміздің басты заңы – Конституция, Тәуелсіз Қазақстанның қалыптасу тарихы туралы, мемлекеттік рәміздер туралы, жас мемлекеттің астанасы туралы және табиғат туралы әдебиеттер ұсынылған. Бұл «Қазақстан» фотокітабы, «Вечная страна Казахстан» жинағы, «Астана» энциклопедиясы сияқты басылымдар, сондай-ақ мерзімді басылымдардан алынған мақалалар – Д. Журавлеваның «История праздника», К. Айтхожиннің «Мысль» журналында жарияланған «Документ, открывший путь к Независимости Казахстана» және басқалар. Сондай-ақ О. Асқар, Б. Үсенбаев, С. Қалиұлы және басқа да авторлардың Республика күніне арналған өлеңдері ұсынылды.

«Южный» кітапхана-филиалында «Друзья природы» үйірмесінің қатысушылары үшін «Су – өмір негізі» атты іс-шара өтті. Балалар табиғатта кездесетін судың әртүрлі жағдайларымен және жердің су қорының азаю себептерімен танысты.
Балалар судың адам өмірінде қандай рөл атқаратынын, сондай-ақ қызықты және таңғажайып фактілер туралы білді, жұмбақтар шешті, су туралы мақал-мәтелдер еске түсірді, «Көк лагуна» викторинасына, «Сұрақтар сарқырамасы» ойынына қатысты.
Оқушылар жердің су қорына ұқыпты қарау керектігін білді. Шара соңында балалар «Смешарики. Круговорот воды в природе» мультфильмін қарады.

2025 жылдың 16 қазанында «Строительный» кітапхана-филиалының қызметкерлері IV облыстық «#ОқыЖәнеЖең» онлайн байқауын насихаттау мақсатында ақпараттық-түсіндіру жұмыстарын жүргізді. Қатысушылар «Қостанай қалалық білім бөлімінің №15 жалпы білім беретін мектебі» КММ кадеттеры. Кітапханашылар қатысушыларды қатысу және тіркелу ережелерімен таныстырып, конкурс ережесінің негізгі тармақтарын атап өтті. Оқушылар өздерінің білімдерін, тапқырлығын, кітапқа деген сүйіспеншілігін көрсетті.

«Южный» кітапхана-филиалының қызметкерлері оқу мәдениетін дамыту мақсатында «Қостанай қаласының білім бөлімінің № 19 жалпы білім беретін мектебі» КММ 7-сынып оқушыларымен «#ОқыЖәнеЖең» қазақ және орыс тілдерінде оқу бойынша облыстық байқауды ілгерілету бойынша ақпараттық жұмыс жүргізді.
Кітапханашылар оқушыларды онлайн-байқау туралы Ережемен таныстырды, байқау туралы толық ақпараты бар жарнамалық буклеттер таратты. Балалар өздерінің қызығушылықтарын білдіріп, байқауға қатысуға шешім қабылдады.

16 қазанда «Дорожный» кітапхана-филиалының қызметкерлері № 17 орта мектеп оқушыларымен Республика күніне арналған «Қазақстан – егемен мемлекет» тақырыбында ақпараттық сағат өткізді.
Іс-шараның басында оқушылар Қазақстан Республикасының Әнұранын орындады, бұл барлығын патриоттық көңіл-күйге бейімдеп, тақырыптың өзектілігін атап өтті. Кітапханашы балаларға Тәуелсіз Қазақстанның қалыптасу тарихы, мемлекет дамуының негізгі кезеңдері және ел мен оның азаматтары үшін Егемендіктің маңызы туралы айтып берді.
Іс-шара барысында балалар сұрақтарға жауап беріп, Отан туралы, туған өлке туралы өлеңдер оқыды. Махмутов Нұрдаулет домбырамен «Балбыраун» күйін орындады.
«Қазақстан – ортақ үйіміз» атты тақырыптық сөреге шолу жасалып, тақырып бойынша кітаптар мен мақалалар ұсынылды.

«#ОқыЖәнеЖең» IV облыстық онлайн оқу байқауын насихаттау мақсатында А. С. Пушкин ат. қалалық балалар кітапханасының қызметкерлері Қостанай қаласының «Физика-математика бағытындағы Назарбаев зияткерлік мектебіне» барды.
Мектеп әкімшілігін байқауға қатысу шарттарымен таныстырды, байқаудың мақсаты, өтінім беру тәртібі және оны өткізу кезеңдері туралы әңгімеледі. Бұл ақпарат оқушылар арасында таратылатын болады.