Олжабай, Сабырбек. Күй тілінде сөйлегенде… [Мәтін] : [жазушы Тәкен Әлімқұловтың шығармашылық жолы] / Сабырбек Олжабай // Қазақ әдебиеті. – 2021. – 19 ақпан. – Б. 3.
Тәкен шығармашылық жолында 2 роман, 7 повесть, алпысқа жуық әңгіме жазыпты. Мақала Тәкен Әлімқұловтың шығармашылығына арналған, ол ең алдымен өмірдің өзін, адамдардың өмірін, іс-әрекеттерін, мінез-құлықтарын, ішкі тебіреністерін суреттейді.
Махан, Нұрғали. Тәкеннің «Жұмбақ жаны» [Мәтін] : [жазушы Т. Әлімқұловтың шығармашылығы туралы] / Нұрғали Махан // Жұлдыз. – 2022. – № 6. – Б. 137–147.
Автор бұл мақаласында проза жанры мен Тәкен Әлімқұлов шығармаларына назар аударады. Солардың ішінде ол даңқты жауынгер Махамбеттің өмірін ашатын жауһар деп атаған «Қараой» әңгімесін ерекше атап өтеді. Автор прозаға ғана емес, Абай шығармашылығына арналған «Жұмбақ жан» шығармасына да назар аударады. «Жұмбақ жан» еңбегі монографиялық ғылыми еңбек ретінде қарастырылады.
Қырғызбаев, Өтеш. Ұлы ойшыл әлемін Тәкенше пайымдау [Мәтін] : [Абайтанушы, жазушы Тәкен Әлімқұлов] / Өтеш Қырғызбаев // EGEMEN QAZAQSTAN. – 2020. – 1 қыркүйек. – Б. 7.
Абайтануға көп жылын арнап, індете зерттеген көрнекті жазушы, сыншы Тәкен Әлімқұлов 1972 жылы «Жазушы» баспасынан «Жұмбақ жан» атты әдеби сын кітабын шығарған еді. Еліміз зиялы қауымы арасында ерекше құбылыс болған бұл құнды еңбек 1993 жылы Абайдың 150 жылдығына орай қайта басылды. Кітап өзектілігін жойған жоқ, бұл танымдық басылым өмір есігін енді ашқан ұрпақ үшін пайдалы.
Ерлан, Жүніс. Қызғыш құс пен көңқара [Мәтін] : [жазушы Тәкен Әлімқұловтың «Қараой» әңгімесі туралы] / Жүніс Ерлан ; коллажды жасаған Амангелді Қияс, «ЕQ» // EGEMEN QAZAQSTAN. – 2021. – 18 маусым. – Б. 11.
Мақалада «Қараой» әңгімесінен үзінділер берілген. «Қарой» – өзіндік ерекшеліктері мен қызықты сюжеттік иірімдері бар қазақтың халық эпосы. Мақаланың авторы болған оқиғаларға талдау жасап, қайталанбас, біртуар ақыны Махамбет өмірінің ең бір трагедиялық тұсын ашып көрсетеді.
Әбдезұлы, Қансейіт. Тәкен және Тәттімбет [Мәтін] : [сөз зергері Тәкен Әлімқұлов пен күйші Тәттімбет туралы] / Қансейіт Әбдезұлы // EGEMEN QAZAQSTAN. – 2021. – 27 сәуір. – Б. 12.
Мақалада қазақ халқының көрнекті күйші-композиторы, XIX ғасырдағы классикалық домбыра музыкасының негізін салушылардың бірі, шертпе күйлердің авторы әрі орындаушысы Тәттімбет туралы тамаша әңгіменің авторы Тәкен Әлімқұлов екені туралы жазылады. Ол Тәкен Әлімқұловтың бүкіл саналы ғұмырын Қорқыт, Ықылас, Сейтек, Сүгір, Төлеген Момбеков, Әбікен Хасенов, Жаппас Қаламбаев, Генерал Асқаров сынды шығармашылық тұлғалардың тағдырын, жан дүниесін, рухани болмысын зерттеуге, көркем бейнелеуге арнағанын жазады. Әсіресе, жазушыны Тәттімбет тағдыры ерекше қызықтырды. Мақала авторы «Қосбасар», «Сылқылдақ», «Сарыжайлау», «Былқылдақ» күйлерінің жасалу тарихын ашады.
Әбдезұлы, Қансейіт. Абай және Тәкен [Мәтін] : [ақын А. Құнанбаевтың шығармашылығын зерттеген жазушы Т. Әлімқұлов туралы] / Қансейт Әбдезұлы ; коллажды жасаған – Алмас Манап, «EQ» // EGEMEN QAZAQSTAN. – 2024. – 8 тамыз. – Б. 9.
Мақаланың авторы оқырман назарын Әуезовтің шәкірт-досы, қазақ прозасына өлшеусіз үлес қосқан жазушы, сыншы, әдебиет зерттеушісі Тәкен Әлімқұлов осыдан жетпіс жыл бұрын Абай шығармашылығын зерттеуге ат басын бұрғанына аударады. 1954 жылдың алғашқы айларында Абай поэзиясының көркемдік құндылықтары, жаңашылдығы, тұтас қазақ поэзиясына, күллі қазақ әдебиетіне, руханиятына жасаған әсер-ықпалы, тарихи миссиясы туралы тұңғыш ой-толғамдарын қағаз бетіне түсіре бастаған. Алдымен алғашқы үзінділерін газет беттерінде жариялап алған соң, осы дүниесін үлкен мақалаға, тұтас зерттеу еңбегіне айналдырып, 1958 жылы Қазақтың мемлекеттік көркем әдебиет баспасынан жарық көрген «Жемісті жолда» атты тұңғыш әдеби-сын мақалалар жинағына енгізді.
«Кәсіпқой» клубының бесінші отырыстың барысында жылдық есепке қойылатын негізгі талаптар талқыланды. Статистикалық есептің формалары ұсынылды, мәтіндік есептің құрылымы таныстырылды.
2024 жылы 19 шілде күні Н. Островский ат. ОҚК «Менің Қостанайым» жобасы аясында қаланың 145 жылдығына арналған жобаны қорытындылайтын «Заманауи Қостанай» атты репортаж іс-шарасын өткізді. Көрермендердің назарына заманауи қаланың көрікті жерлерін баяндайтын фотосуреттердің көрмесі ұсынылды. Іс-шараға қатысушылар белгілі бір объектімен байланысты қызықты оқиғаларды айтып, Қостанай туралы өз әсерлерімен бөлісті, оның болашақта қандай болатыны туралы әңгімеледі. Сондай-ақ қостанайлықтар мен қала қонақтарынан көшеде алынған сауалнамасынан бейнебаян көрсетілді.
