Category: Жаңалықтар

2024 жылдың 01 қазанда Н. Отровский ат. ОҚК қызметкерлері «Лада» және «Шабыт» клубтарының қатысушылары үшін Қарттар күніне арналған «Талғамы ерек, ерекше талғам» атты ойын-байқау бағдарламасын өткізді. Кітапханашы мерекенің құрылу тарихы туралы баяндады. Тілектер, өлеңдер айтылып, музыкалық нөмірлер тыңдалды. Клуб мүшелері «Алтын күз» және «Күзгі жапырақтың түсуі» сайыстарына белсенді қатысты. Мереке көптеген жағымды эмоциялар мен әсерлер қалдырды, қатысушылардың әрқайсысы ынталандыру сыйлықтарына ие болды.

Қостанай облысы өнеркәсіп өнімдерін шығару бойынша көшбасшылар үштігіне кіруге ұмтылуда. Бұл жолдағы маңызды қадамдар – «KamLitKZ» ЖШС зауытын іске қосу және KIA зауытын салу.

🔷«KamLitKZ» ЖШС зауыты өнімдерді құюды бастады, 1000-нан астам жұмыс орнын ашу жоспарлануда, бұл өңірдегі жұмыспен қамту деңгейіне оң әсерін тигізеді. Зауыт жылына шамамен 164 мың шойын бұйымын өндіретін болады, ал 2024 жылы 2400 өнім шығару жоспарланған.

🔷Құрылысы 2023 жылдың қараша айында басталған KІА зауыты республиканың тәуелсіздігі кезеңінде салынған өңірдегі ең ірі кәсіпорын болады. Ол іске қосылған кезде 1500 жаңа жұмыс орны ашылып, зауыттың қуаттылығы жылына 70 мың автокөлік құрайды деп жоспарлануда.

🔷Бұл жобалар экономикалық өсуге ықпал етумен қатар, кадрлар даярлауға және халықаралық әріптестермен ынтымақтастықты нығайтуға жаңа мүмкіндіктер ашады.

https://www.instagram.com/reel/DAnAEGVN7WV/?utm_source=ig_web_copy_link&igsh=MzRlODBiNWFlZA==

2024 жылғы 01 қазанда Н. Островский ат. ОҚК қызметкерлері кітапхана ардагерлері үшін «Қарттарым – асыл қазынам» атты мерекелік іс-шара ұйымдастырды. Қонақтар «Тұмар» өнерлі жастар клуб мүшелерінің орындауында өздерінің сүйікті әндерін орындады, студенттер өлең оқып, би биледі.
Т. Л. Рудковская өзінің өткен жұмысы туралы естеліктерімен бөлісті. Мереке бойы кітапхана ісінің ардагерлеріне денсаулық, ұзақ ғұмыр, көтеріңкі көңіл-күй тілектері айтылды. Мерекенің соңы шай дастарханына жалғасып, ардагерлер көңілді әңгіме құрып, жастық шақтарын еске алып, сүйікті әндерін шырқады.

2024 жылғы 1 қазанда «Киевский» кітапхана-филиалында «Менің жылдарым, менің байлығым» атты кітап көрмесі ұйымдастырылды.
Көрмеде жастықты ұзартуға және өмірдің «Күз» кезеңіне басқа көзқараспен қарауға көмектесетін кітаптар мен мерзімді басылымдар ұсынылған. Сондай-ақ әдебиеттерде физикалық денсаулықты нығайту және дененің денсаулығын жақсарту бойынша ұсыныстар мен практикалық кеңестерді таба аласыз.
Оқырмандар назарына «Қарттықтың алдын алу», «Қарттықта да күш-қуатыңызды жоғалтпаңыз», «60 жастан асқандар үшін» мақалалар ұсынылды. Егде жастағы адамдар үшін психологиялық көзқарас өте маңызды. Әрине, бұған көрмеге қойылған кітаптар мен мерзімді басылымдардағы мақалалар көмектеседі.

Қарттар күнін мерекелеу аясында «Станционный» кітапхана-филиалының қызметкерлері № 1 филиал «Мирас» қалалық мәдениет сарайымен бірлесіп «Күзгі әсем көрініс» атты мерекесін өткізді. Іс-шара жүргізушілері мереке туралы айтып, егде жастағы өкілдеріне денсаулық пен амандық тіледі. Сахнадан «Кружева» вокалдық топтарын орындауындағы өлеңдер, құттықтау сөздер мен әндер шырқалды, «Арулар» би тобы билерін ұсынды.

«Южный» кітапхана-филиалында Халықаралық қарттар күніне орай «Күміс жастағы қуаныш бояулары» атты кітапхана кеші өткізілді. Кітапхана қызметкерлері элегант жастағы оқырмандарды шақырды, олар өз адресіне шынайы тілектерді естіп, жағымды әңгімелесуге мүмкіндік алды. Оқырмандар «Ақыл-ой», «Музыкалық», «Барлығы би билейді!» сияқты қызықты конкурстарға белсенді қатысып, ән айтып, таланттарын көрсетті.
«Ивушка» хоры мен «Мирас» мәдениет үйінің орындаушылары әндер орындады. Мерекелік іс-шара: М. И. Цветаева, А. С. Пушкин, Ф. И. Тютчев, А. А. Ахматова шығармаларын өлеңдер оқуымен жалғасты.
Іс-шараның қорытындысында «Бізге жылдар тосқауыл емес!» атты кітап көрмесінің шолуы өткізілді.

«Строительный» кітапхана-филиалының қызметкерлері 2024 жылдың 30 қыркүйегінде «Вдохновение» Мәдени Орталығымен бірге ақпараттылық айлық аясында «Арнайы мақсаттағы тағдыр» атты қайырымдылық қонақжайын өткізді. Іс-шараға «Вдохновение» Мәдени Орталығының ересек мүгедектер арбасында отырған мүшелері, Қостанайдағы ЧелГУ филиалының студенттері, «Триумф» би тобы, орындаушы, бард Закора Н., ансамбльдің солисті Вильдянов Р. қатысты.
Қала ардагерлері Кеңесінің төрағасы Сова В. В. құттықтау сөз сөйледі. Жиналғандар жылы, достық қатынастардың қаншалықты маңызды екенін айтты. Өзара көмек, мейірімділік, сезімталдық пен құрметтің дамуын талқылады. Ойын-сауық конкурстары мен әдеби викториналар өткізілді.
Іс-шара қатысушыларға өз күштеріне сенуді және белгіленген мақсаттарға жетуді тілеп аяқталды.

2024 жылғы 30 қыркүйекте «Строительный» кітапхана-филиалында «Сәлем, кітап үйі!» атты экскурсиясы өткізілді. Қатысушылар №40 бөбекжайдың тәрбиеленушілері болды.
Кітапханашы абонемент пен оқу залының кітап қорымен таныстырды. Ол сирек кездесетін жануарлар мен өсімдіктер, ғарыш және аспан планеталары туралы энциклопедияларды ұсынды. Балалар «Ертегілер бойынша жұмбақтар» викторинасына қатысып, өздерінің сүйікті кейіпкерлерін Чиполлино, Карлсон және т.б. белсенді түрде болжап, таныды.
Соңында «Три кота», «Гришкины книжки», мультфильмдері көрсетілді, балалар кітапты қалай ұстау керектігін білді.

2024 жылғы 28 қыркүйекте Н. Островский ат. ОҚК қызметкерлері «Шабыт» клуб қатысушыларымен «Өнер әркімде» атты отырыс өткізді. Кітапханашы қолөнер түрлері туралы айтты.
Іс-шараның қонағы – тоқу шебері О. Г. Севостьянова өз жұмыстарымен бөлісті, өз қызметі туралы айтты. Көрермендер үшін Ольга Аркадьевна шығармаларының шығармашылық үдерістерін ашатын электронды презентация мен бейнероликтер көрсетілді. Қатысушылар «Біз үйге тоқимыз» шеберлік сабағына қатысты. Шеберлік сабағы көптеген жағымды эмоциялар қалдырды.

2024 жылғы 27 қыркүйекте Н. Островский ат. ОҚК «Soile Time» клубының мүшелерімен «Бос уақытта немен айналысасыз» атты кезекті отырыс өткізілді. Клуб мүшелері бос уақыттарын қалай өткізетіндері туралы әңгімеледі, жаңа сөздермен танысты, жұппен, жеке жұмыс жасады. «Жасырын сөйлемдер», «Кел, жаттығайық», «Сиқырлы жауаптар» сынды тапсырмалар орындалды. Сабақ қызықты әрі тартымды өтті.