18 наурызда «Дорожный» кітапхана-филиалында «Ғажайып бөлме» үйірмесінің қатысушыларына арналған «Жануарларды жинауды үйренеміз!» атты конструктивті сабақ өтті. Алдымен кітапханашы жануарлардың мүсіндерін көрсетті. Содан кейін пазлдар ішіндегі әрбір бала жануардың суретін жинап, оны атауы керек. Бөліктерден жануарларды жинаған бұл ойын балаларға жануарлардың атауын есте сақтауға көмектеседі, логиканы, ойлауды, ұсақ моториканы дамытады.
18 наурызда «Ұлттық киім күні», «Қонай» кітапхана-филиалының кітапханашысы Чапаев негізгі орта мектебімен бірлесіп «Қош келдің, әз Наурыз!» атты мерекелік бағдарлама өткізді.
Зал түрлі-түсті безендірілген. Барлық қатысушылар мен көрермендер ұлттық киімдер мен ұлттық әшекейлермен келді. Наурыз мерекесімен құттықтау сөздер айтылды. Жүргізушілер Наурызнама онкүндігімен таныстырып, 18-і Ұлттық киім күні екенін еске салды.
Оқушылар ән, күй, ұлттық билерді орындады. Жиналғандарға бауырсақ пен Наурыз көже ұсынылды. «Шашу», «Сырға салу», «Бесікке салу» ырымдары орындалды.
18 наурызда «Ұлттық киім күні», «Узкоколейный» кітапхана-филиалының қызметкерлері № 25 ЖББОМ бірлесіп, мектепалды даярлық сыныбының оқушылары үшін «Сәлеметсіз бе, Наурыз мерекесі!» атты ойын-сауық бағдарламасын ұйымдастырды.
Кітапханашы балалардың назарын Наурыз мерекесі аясында 18 наурыз Ұлттық киім күні ретінде өтетініне аударды. Балалар өздерінің ұлттық киімдерін көрсетті. Қыздар ұлттық көйлектер киіп, бастарын әдемі сәукелемен безендірді. Ұлдар қамзолдар мен тақия киді.
Қатысушылар өлеңдерді оқып, әндер айтып, жұмбақтар шешті, «Киіз үй», «Тақия тастамақ», «Асық» сияқты қазақ ұлттық ойындарын ойнады. «Шашу», «Сүйінші» рәсімдері өткізілді. Мектеп оқу бөлімінің меңгерушісі Күлбаева Жанара Серкпайқызы «Бата беру» рәсімін көрсетті.
Іс-шараға «Наурыз қонақтарды жинайды» тақырыптық сөресі дайындалды.
Наурыз мейрамын тойлау аясында 17 наурызда «Шаңырақ күні», «Киевский» кітапхана-филиалының қызметкерлері № 9 жалпы білім беретін мектеп оқушылары үшін «Басты дәстүрлер ұлы мұра» атты кітап көрмесіне қызықты шолу жасады.
Онда отбасына, оның дәстүрлері мен мәдениетіне арналған қазақ халқы үшін шаңырақтың рөлі мен символикасы туралы кітаптардың шағын бөлігі ұсынылған. С. Кенжеахметұлының «Традиции и обряды казахского народа», «Қазақтың дарқан дастарханы», «Алан мен Дана. Наурыз мейрамы» басылымдармен толығырақ таныстырылды.
Көрмеге қойылған кітаптардан балалар отбасы құндылықтары, отансүйгіштік және Қазақстан халқының салт-дәстүрлері, шаңырақтың символикасы, сондай-ақ оны дайындаудың дәстүрлі әдістері туралы білді.
Н. Островский атындағы ОҚК оқу залында «Парасат жолы» жобасы аясында, «Біз сыбайлас жемқорлыққа қарсымыз!» атты көрме ұйымдастырылды. Аталмыш көрме сыбайлас жемқорлық сынды әлеуметтік құбылыстың азаматтық-құқықтық аспектілерімен таныстыруға арналған. Көрмеге «Сыбайлас жемқорлыққа қарсы күрес туралы» Қазақстан Республикасының Заңы», «Қазақстандағы сыбайлас жемқорлық» (мәні, мәселелері, алдын алу) кітаптары мен мерзімді басылымдары, Ж. Нұрғожаевтың «Парасат жолы» кітабы, Д. Төлебаевтың «Ақиқат» республикалық қоғамдық-саяси журналында жарияланған «Жемқорлықпен күрес – мемлекет қауіпсіздігі» атты мақаласы, «Сыбайлас жемқорлықпен күрес саясаты» республикалық ақпараттық-насихаттық журналында жарияланған Е. Степаненконың «Сыбайлас жемқорлыққа қарсы тәрбие мен тұлғаны дамытудағы отбасының рөлі» атты мақаласында автор «отбасы, жас ұрпақты тәрбиелеуге үлкен көңіл бөлу керек, өйткені оның санасы, құқықтық мәдениеті, оның ішінде сыбайлас жемқорлыққа қарсы мәдениеті осыған байланысты» делінген. Н. В. Гогольдің «Мёртвые души» поэмасы, «Ревизор» комедиясы, А. С. Грибоедовтың «Горе от ума» сияқты көркем әдебиеттер де ұсынылған. Жазушылар өз шығармаларында оқырмандарға әсер етіп, осы мәселеге назар аударуға тырысады.
Наурыз мейрамын тойлау аясында 16 наурызда «Мәдениет және ұлттық салт-дәстүр күні», Н. Островский ат. ОҚК қызметкерлері «Лада» және «Шабыт» үйірмелерінің қатысушыларына «Ата салтың ардақтаймыз» атты танымдық-сауықтыру бағдарламасын өткізді.
Іс-шара мәдениет және ұлттық дәстүрлер күніне арналды. Шара «Көрісу» қонақтарының кездесуімен, музыкалық қойылымдар, өлеңдер оқу, жиналғандарды мерекемен құттықтаумен басталды. Қонақтарға «Құда қарсы алу», «Сырға салу», «Тұсау кесу» сияқты қазақтың сал-дәстүрлерімен таныстырды.
Мерекелік шара ұлттық тағамдардан дәм татырып, дәстүрлі батамен аяқталды. Мереке қонақтардың жарқын эмоциялары мен әсерлеріне толы болды.
Наурызнаманы мерекелеу мерзімінде, 15 наурыз күні «Золотой возраст» клубының қатысушылары үшін қайырымдылыққа, мейірімділікке және тату көршілікке арналған «Қайырымдылық куні» – «Ата салтым-асыл мұрам, ардағым» атты дәстүр сабағы өткізілді. Тұсаукесер барысында кітапханашы мерекенің тарихы туралы айтып, қайырымдылық күніне ерекше көңіл бөліп, қоғамға бір-біріне ұқыпты қарау мәдениетін сіңіріп, жанашырлық пен өзара көмек құндылықтарын қалыптастырды. Қатысушылар пікір алмасып, қазақ дәстүрлерінің қадір-қасиетін талқылады, өйткені бұл бейбітшілік пен мейірімділік, молшылық пен қонақжайлылық мерекесі.
Соңында «Салтанат – асыл қазына» тақырыптық сөресіне шолу жасалып, іс-шараның әрбір қатысушысына шағын көрпешелер сыйға тартылды.
Кітапханада мерекенің нағыз атмосферасы болды.
2025 жылы 17 наурызда Н. Островский ат. ОҚК қызметкерлері Қостанай жоғары медициналық колледжінің студенттері үшін Ұлы Отан соғысының 80-жылдық мерейтойына қарсы жан аямай соғысқан жауынгерлер ерлігін баяндайтын «Олар Отан үшін от кешті» атты деректі фильмін ұсынды. Фильм Ұлы Отан соғысы кезінде өз жері мен Отаны үшін, келешек ұрпақ үшін жан аямай соғысқан Ә. Молдағұлова, М. Мәметова, М. Ғабдуллин, С. Баймағамбетов, Бигельдинов, Х. Доспанова, С. Нұрмағамбетов, Р. Қошқарбаев және т.б. жауынгерлер ерлігін баяндайды. Біздің сәулетті өміріміз үшін жас жанын қиып, кеудесін оққа тосқан батырлардың өміржолдары жас ұрпаққа насихатталды.
2025 жылғы 14 науразда Н. Островский ат. ОҚК «Soile Time» клубының мүшелерімен «Мерекелер» атты кезекті отырыс өткізілді. Клуб қатысушылары осы тақырып бойынша жаңа сөздермен танысып, жұппен және жеке жұмыс жасады. «Мәтінге назар аударайық», «Сиқырлы ақпарат», «Кел, жаттығайық» сынды тапсырмалар орындады. Сабақ қызықты әрі тартымды өтті.
14 наурызда «Дорожный» кітапхана-филиалында «Наурыз – көктем мерекесі» атты әдеби – музыкалық сағаты өтті. Ұлттық ұланның 6697 әскери бөлімінің сарбаздары қатысты.
Жүргізуші Наурыз мерекесінің тарихымен және дәстүрлерімен таныстырды. Қатысушылар ән айтып, викторинаға белсенді қатысты. Белсенді оқырманымыз Жұмағазы Сейітқалиұлы мерекемен құттықтап, өлең оқып, ән шырқады. Барлық іс-шара мерекелік презентациямен сүйемелденді. Мереке «шашу» дәстүрінсіз болған жоқ. Іс-шара қонақтарға мерекелік көңіл-күй сыйлады.
