2025 жылғы 29 қазанда Островский ат. ОҚК қызметкерлері А. М. Горький ат. № 12 гимназия оқушыларына экскурсия өткізді.
Кітапханашылар кітапхананың жұмыс тәртібі туралы айтып берді. Ақпараттық ресурстармен – кітап қорымен, мерзімді басылымдармен таныстырылды. Кітап көрмелерін ұсынды, «Тұмар» жастар клубы, «Жас жалын» шығармашылық студиясы туралы әңгімеледі.
Экскурсия соңында ақпараттық нұсқаулықтар, буклеттер, бетбелгілер таратылды.
«Западный» кітапхана-филиалының қызметкері «Ақниет» үйірмесінің балаларына арналған «Менің сүйікті қалам» танымдық сағатын өткізді.
Балалар біздің қаламыздың тарихымен танысты, көше атауларын, атақты тұлғаларға арналған ескерткіштерді, сондай-ақ отбасымен бірге болғанды ұнататын мәдени орындарды еске алды. Соңында балалар сүйікті қаласына көптеген жылы сөздер мен тілектер айтты, кітапханашы «Сүйікті қалам – Қостанай!» тақырыптық сөресіне шолу жасады. Танымдық сағат барлығына керемет көңіл-күй сыйлады.
2025 жылғы 28 қазанда Н. Островский атындағы Орталық қалалық кітапханада «Туған жер таланты және шабыты» атты өлкетану оқулары өтті. Іс-шара «Менің Қостанайым» жобасы және «Ковчег» өңірлік әдеби бірлестігінің 30 жылдығы аясында өткізілді.
Кітапханашылар әдеби бірлестіктің құрылу тарихын айтып берді.
Ақын, «Ковчег» жетекшісі Евгений Демидович шығармашылық қызметі, конкурстар, жобалар туралы айтып берді. Жазушы Олеся Дубиковская өзінің естеліктерімен бөлісті. Ақын және дәрігер Анатолий Корниенко «Ковчег» негізін қалаушы және бірінші басшысы Владимир Растегиннің рөлін, оның Қостанайдың әдеби өміріне қосқан үлесін атап өтті.
Авторлар көптеген өлеңдер оқыды. Евгений Демидович іс-шараны болашақ жобалар туралы хабарландырумен аяқтап, студенттерді поэзия әлеміне қосылуға шақырды.
Соңында «Әдеби кеме: шығармашылық көкжиегі» атты кітап көрмесі ұсынылды.
2025 жылғы 27 қазанда Н. Островский ат. ОҚК қызметкерлері «Шабыт» клубының қатысушыларымен «Зергерлік бұйымдарды жасау өнері» тақырыбында отырыс өткізді.
Кітапханашылар электронды презентация мен бейнероликтер көрсетті. Клуб қатысушысы Қарлығаш Әділбекқызы Әбенова өз жұмыстарын таныстырып, «Бисер тоқудың негіздері» шебер-сыныбын өткізді.
Қатысушылар практикалық бөлімге белсенді қатысты.
Соңында олар өз қолөнері туралы айтты.
2025 жылғы 26 қазанда Н. Островский ат. ОҚК қызметкерлері «Лада» клубының қатысушылары үшін «Лирикалық комедияны жасаушы» ретровидеосалонын өткізді.
Клуб қатысушылары Георгий Данелийдің өмірбаянымен және шығармашылығымен танысты. Викторина барысында оның культтік фильмдері еске алынды: «Я шагаю по Москве», «Афоня», «Осенний марафон», «Мимино», «Кин!Дза!Дза!» және басқалары. Олар режиссердің сүйікті фильмдері туралы айтты. Үзінділерді қарап, олардың біздің өмірімізге мәңгілікке енген қанатты сөздерін еске түсірді.
2025 жылдың 24 қазанында «Қостанай қаласы білім беру бөлімінің Бауыржан Момышұлы атындағы мектеп-гимназиясы» ҚМУ кадеттері үшін «Строительный» кітапхана-филиалының ұжымы «#ОқыЖәнеЖең» IV облыстық онлайн байқауын насихаттау мақсатында түсіндірме жұмыстарын жүргізді.
Кітапханашылар байқау ережелерімен, мақсаттарымен, міндеттерімен және марапаттау рәсімімен таныстырды. Қатысқандардың барлығына байқау туралы толық ақпарат жазылған ақпараттық парақшалар берілді.
Талқылау соңында студенттер қатысуға ниет білдірді.
24 қазанда «Дорожный» кітапхана-филиалында «Солнышко» үйірмесінің қатысушыларымен «Менің Отаным» шығармашылық сабағы өтті.
Кездесудің тақырыбы Қазақстан Республикасы күніне арналған шығармашылық іс-шара болды. Кітапханашы балаларды егемен мемлекеттің қалыптасу тарихының беттерімен таныстырды. Іс-шара барысында балалар Республиканың Мемлекеттік рәміздері туралы білімдерін бекітті. Оларға бояу, қағаздан кесу тапсырмалары ұсынылды.
Іс-шара жылы және достық атмосферада өтті, бұл балалардың бірлескен шығармашылығынан үлкен қызығушылық пен қуаныш тудырды.
«Южный» кітапхана-филиалында «Шабыт» үйірмесінің кезекті сабағы – орамал безендіру бойынша шебер-сынып өтті.
Іс-шара барысында кітапханашы «Мастерим из подручных материалов», «Волшебный город мастеров» серияларындағы кітаптарды қарап шықты, олар бұйым дизайны мен түпнұсқалық сәндік нұсқаларды таңдауға көмектеседі. Бас киімдерді түрлі-түсті және сәнді дизайнмен безендіру жолдарын түсіндірді. Тәжірибелік семинарда балалар орамал жасау үшін жарқын геометриялық өрнектерді қолданып, өздерінің қиялдары мен шеберліктерін көрсетті. Шара соңында дайын жұмыстардың көрмесі ұйымдастырылды.
«Западный» кітапхана-филиалында ҚИнЭУ колледжінің студенттеріне үшін ақын, жазушы, журналист, драматург, қазақ әдебиетінің көрнекті өкілдерінің бірі болған ақынның 140 жылдығына арналған «М. Дулатұлы – жалынды көсемсөз шебері» атты тақырыптық кеш өтті.
Презентация барысында кітапханашы М. Дулатов шығармашылығының маңызын, ұлттық болмыстың дамуына қосқан үлесін, шығармаларының мәдениет пен қоғамдық ойға тигізген ықпалын тілге тиек етіп, оның жерлестерінің жүрегінде азаттық пен тәуелсіздік рухын оятқан тұлға ретіндегі рөліне тоқталды.
Студенттер М. Дулатовтың саяси қызметі мен шығармашылығы туралы және Алаш партиясы туралы викториналық сұрақтарға жауап берді.
Шара «Айтары көп ақын еді…» атты тақырыптық сөреге шолу жасаумен қорытындыланды.
Республика күнін мерекелеу аясында «Біздің Отанымыз бір!» атты диалог алаңы өтті. Оған «Шаңырақ», «Мугунхва», «Как молоды мы были», «Женщина Осень», «Казачья воля» клубтарының өкілдері қатысты.
Диалог барысында қатысушылар халықтар достығы қазақстандықтардың жүрегіне қалай сіңгенін және бүгінгі күні бір отбасы болып өмір сүріп жатқанымызды талқылады. Олар достық пен ұлттық бірлікті сақтауға, өзара сенімді сақтауға, әрбір азаматтың мәдениеті мен дәстүрін құрметтеуге шақырды.
Шара соңында клуб қатысушылары домбыраның сүйемелдеуімен қазақ және орыс тілдерінде музыкалық нөмірлер орындап, қазақстандықтарды Республика күнімен құттықтауға қатысты.
