Category: Жаңалықтар

Наурызнаманы мерекелеу мерзімінде, 15 наурыз күні «Золотой возраст» клубының қатысушылары үшін қайырымдылыққа, мейірімділікке және тату көршілікке арналған «Қайырымдылық куні» – «Ата салтым-асыл мұрам, ардағым» атты дәстүр сабағы өткізілді. Тұсаукесер барысында кітапханашы мерекенің тарихы туралы айтып, қайырымдылық күніне ерекше көңіл бөліп, қоғамға бір-біріне ұқыпты қарау мәдениетін сіңіріп, жанашырлық пен өзара көмек құндылықтарын қалыптастырды. Қатысушылар пікір алмасып, қазақ дәстүрлерінің қадір-қасиетін талқылады, өйткені бұл бейбітшілік пен мейірімділік, молшылық пен қонақжайлылық мерекесі.
Соңында «Салтанат – асыл қазына» тақырыптық сөресіне шолу жасалып, іс-шараның әрбір қатысушысына шағын көрпешелер сыйға тартылды.
Кітапханада мерекенің нағыз атмосферасы болды.

2025 жылы 17 наурызда Н. Островский ат. ОҚК қызметкерлері Қостанай жоғары медициналық колледжінің студенттері үшін Ұлы Отан соғысының 80-жылдық мерейтойына қарсы жан аямай соғысқан жауынгерлер ерлігін баяндайтын «Олар Отан үшін от кешті» атты деректі фильмін ұсынды. Фильм Ұлы Отан соғысы кезінде өз жері мен Отаны үшін, келешек ұрпақ үшін жан аямай соғысқан Ә. Молдағұлова, М. Мәметова, М. Ғабдуллин, С. Баймағамбетов, Бигельдинов, Х. Доспанова, С. Нұрмағамбетов, Р. Қошқарбаев және т.б. жауынгерлер ерлігін баяндайды. Біздің сәулетті өміріміз үшін жас жанын қиып, кеудесін оққа тосқан батырлардың өміржолдары жас ұрпаққа насихатталды.

2025 жылғы 14 науразда Н. Островский ат. ОҚК «Soile Time» клубының мүшелерімен «Мерекелер» атты кезекті отырыс өткізілді. Клуб қатысушылары осы тақырып бойынша жаңа сөздермен танысып, жұппен және жеке жұмыс жасады. «Мәтінге назар аударайық», «Сиқырлы ақпарат», «Кел, жаттығайық» сынды тапсырмалар орындады. Сабақ қызықты әрі тартымды өтті.

14 наурызда «Дорожный» кітапхана-филиалында «Наурыз – көктем мерекесі» атты әдеби – музыкалық сағаты өтті. Ұлттық ұланның 6697 әскери бөлімінің сарбаздары қатысты.
Жүргізуші Наурыз мерекесінің тарихымен және дәстүрлерімен таныстырды. Қатысушылар ән айтып, викторинаға белсенді қатысты. Белсенді оқырманымыз Жұмағазы Сейітқалиұлы мерекемен құттықтап, өлең оқып, ән шырқады. Барлық іс-шара мерекелік презентациямен сүйемелденді. Мереке «шашу» дәстүрінсіз болған жоқ. Іс-шара қонақтарға мерекелік көңіл-күй сыйлады.

2025 жылдың 14 наурызында Н. Островский ат. ОҚК оқырмандар мен кітапхана қызметкерлері үшін «Жалған терроризм» атты деректі фильмін тамашалауды ұйымдастырды. Әр адам терроризмнің мәнін, және одан қорғанудың жолдарын білуі керек. Жүргізушілер бейтаныс адамдарға сенбеу, дүрбелең мен қауіп-қатерге бой алдырмау қажеттілігіне назар аударды.

Қазақстан халқы Ассамблеясының құрылғанына 30 жыл толуына орай «Дружба» кітапхана-филиалында «БҰҰ миниатюрада» ақпараттық досье өткізілді.
Кітапханашы Қазақстан аумағында қандай халықтар тұратынын, республикада қандай ұлттық-мәдени орталықтар жұмыс істейтінін, Қазақстан халқы Ассамблеясы туралы, оның қашан және не үшін құрылғанын, оның қызметі қандай заңдармен регламенттелетінін, сондай-ақ оның қызметі әлемдік деңгейде қаншалықты жоғары бағаланғанын айтып берді.
Сонында Ассамблеяның қызметі мен тарихы туралы, әртүрлі халықтардың Қазақстан аумағына қоныс аудару тарихы туралы әдебиеттер ұсынылды.

«Станционный» кітапхана-филиалында көрнекті тарихи тұлғалардың, ақындардың, жазушылардың, ғалымдардың, сондай-ақ Қазақстанның мемлекет және қоғам қайраткерлерінің атаулы және естелік оқиғаларына, мерейтойлық күндеріне арналған «Менің Отаным – Қазақстан» атты кітап көрмесі ұйымдастырылды. Көрме бірнеше бөлімдерден тұрады. Көрменің «Қазақстан Республикасының Конституциясы» атты бірінші бөлімінде – елдің конституциялық құрылысын дамыту туралы материалдар: С. Табановтың «Қазақстан Республикасының Конституциясы», К. Айтхожинның «Мысль» журналынан «Конституционные ценности нового Казахстана» мақаласы және т.б. Көрменің «Қазақстан халқы Ассамблеясы» атты келесі бөлімінде – Ассамблеяның қызметі, оның елдегі бейбітшілікті, келісім мен бірлікті нығайтудағы маңызы туралы баспа басылымдары мен құжаттар: О. Жанайдаровтың «Менің елім Қазақстан», О. Дымовтың «Мы, народ Казахстана…», В. Вишниченконың «Костанайская областная Ассамблея народа Казахстана: история создания и становления» және т.б. Көрменің «Тарихты тану: уақыт, оқиғалар, адамдар» атты үшінші бөлімі биылғы мерейтойлардың шығармашылығына арналған: әл-Фарабидің, Шоқан Уәлихановтың, Абай Құнанбайұлының, Міржақып Дулатовтың. Оқырмандарған келесі кітаптар қызықты болады: Ж. Алтаев «Әл-Фараби – шығыстың ұлы ойшылы», Ш. Уәлиханов «Көп томдық жинағы», Абай «Шығармаларының академиялық толық жинағы», М. Дулатов «Оян, қазақ!» және т.б.
2025 жылы «Бір ел – бір кітап» республикалық акциясы аясында шығармалары бүгінгі күнге дейін өзекті болып қала беретін екі ұлы жазушының есімдеріне ерекше назар аударылды – Тәкен Әлімқұлов пен Жұмекен Нәжімеденов. Көрмеде олардың шығармалары ұсынылған: «Менің Қазақстаным», «Аспан шақырады», «Тұлпардың тағдыры», «Серый ястреб» және т.б.
2025 жыл Мемлекет басшысы Қ.-Ж. Тоқаевтың ел халқына Жолдауы аясында Қазақстанда жұмысшы мамандықтар жылы болып жарияланды. Көрмеде И. Дьячковтың К. Укиннің редакциясымен «Колыбель рабочих профессий», «Қостанайлықтар – еңбек ерлері» кітаптары, С. Окасовтың «Құтқарушы қырандар» кітабы және т.б. ұсынылған.
Құрметті оқырмандар! Сіздерді кітап көрмесінің материалдарымен танысуға шақырамыз.

А. С. Пушкин ат. ҚБК кітапханашылары А. Бірімжанов ат. ЖББМ оқушыларына «Терроризм қаупіне қалай қарсы тұруға болады» бейнероликтер топтамасының көрсетілімін ұйымдастырды. Сонымен қатар, оқушыларға лаңкестікке қатысты сұрақтар қойылып, олардың пікірлері тыңдалды. Балаларға қауіпті жағдайдың алдын алу үшін, қалай әрекет ету керектігі туралы кеңес берілді.

«Южный» кітапхана-филиалында «Шабыт» үйірмесінің кезекті сабағы өтті. Іс-шара барысында кітапханашы «Сиқырлы думан», «Алтыбақан», «Казахские конные игры», «Казахские детские игры» – «Сен білесің бе?» сериясынан, Б. Жұмабайұлы «Қазақ балаларының байырғы ойындары» кітаптарынан алынған материалдарды пайдалана отырып, балаларды қазақ халқының ұлттық ойындарымен және олардың шығу тарихымен таныстырды. Балалар ұлттық ойындардың алуан түрлілігін ашатын жарқын, түрлі-түсті кітаптарды қызығушылықпен оқыды. Іс-шара соңында оқушылар бес асық, қол тіресу ойынын ойнап өздерінің ептілігін, тапқырлығын, ойынға деген қызығушылығын көрсетті.

14 наурызда «Станционный» кітапхана-филиалында оқырмандарға терроризм туралы бейнеролик көрсетілді. Кітапханашы терроризм – бұл азап, үмітсіздік, қорқыныш екенін айтты. Лаңкестік шабуылдар жасаған адамдарды террористер деп атайды. «Терроризм қаупіне қалай қарсы тұруға болады» әлеуметтік бейнеролигі арқылы оқырмандар қоғамдық орындардағы қауіпсіздік ережелері, терроризм қаупі бар әрекеттер, сондай-ақ бізді террористерден қорғайтын мамандықтары бар адамдар туралы білді.